പ്രതിസന്ധിയിലേക്ക് നയിക്കുന്ന പ്രധാന കാരണങ്ങള്‍:
കൂറ്റന്‍ പൊതുക്കടവും കുറഞ്ഞ ക്രെഡിറ്റ് റേറ്റിംഗും: ഫ്രാന്‍സിന്റെ പൊതുക്കടം നിലവില്‍ മൊത്ത ആഭ്യന്തര ഉല്‍പ്പാദനത്തിന്റെ (ജിഡിപി) 120 ശതമാനത്തോളമാണ്. താരതമ്യേന ജര്‍മ്മനിയുടെ കടം ജിഡിപിയുടെ 65 ശതമാനം മാത്രമാണ്. ജര്‍മ്മനിക്ക് ഉയര്‍ന്ന 'ത്രിപ്പിള്‍ എ' (AAA) ക്രെഡിറ്റ് റേറ്റിംഗ് ഉള്ളപ്പോള്‍, ഫ്രാന്‍സിന്റെ റേറ്റിംഗ് അഅ, അ+ അല്ലെങ്കില്‍ അമ3 നിലവാരത്തിലാണ്. കൂടാതെ ഫ്രാന്‍സിന്റെ സാമ്പത്തിക മുന്നേറ്റം 'നെഗറ്റീവ്' ആയതിനാല്‍ ജര്‍മ്മനിയേക്കാള്‍ ഉയര്‍ന്ന പലിശനിരപ്പാണ് ഫ്രാന്‍സ് കടം വാങ്ങുമ്പോള്‍ നല്‍കേണ്ടി വരുന്നത്.
കുതിച്ചുയരുന്ന പലിശച്ചെലവുകള്‍: 2026~ല്‍ മാത്രം ഫ്രാന്‍സ് തന്റെ പൊതുക്കടത്തിന്റെ പലിശയായി 79 ബില്യണ്‍ യൂറോയിലേറെ നല്‍കേണ്ടി വരുമെന്നാണ് കണക്കാക്കുന്നത്. ഈ തുക 2027~ഓടെ 91 ബില്യണ്‍ യൂറോ കവിയുമെന്നും, 2030~ഓടെ ഇത് 125 മുതല്‍ 132 ബില്യണ്‍ യൂറോ വരെ ഉയരാമെന്നും വിദഗ്ദ്ധര്‍ മുന്നറിയിപ്പ് നല്‍കുന്നു.
രാഷ്ട്രീയ അനിശ്ചിതത്വവും രാഷ്ട്രീയക്കാരുടെ 'സാമ്പത്തിക കഥകളും': ഫ്രാന്‍സില്‍ കഴിഞ്ഞ അര നൂറ്റാണ്ടായി ബജറ്റ് കമ്മി തുടരുകയാണ്. 1974~ന് ശേഷം രാജ്യം ഒരിക്കല്‍ പോലും സന്തുലിതമായ ബജറ്റ് അവതരിപ്പിച്ചിട്ടില്ല. ഇതിനിടയില്‍ തീവ്ര വലതുപക്ഷ നേതാവ് മറീന്‍ ലെ പെന്‍ വിരമിക്കല്‍ പ്രായം കുറയ്ക്കുമെന്നും, തീവ്ര ഇടതുപക്ഷ നേതാവ് സെന്‍~ലൂക്ക് മെലെന്‍ചോണ്‍ സര്‍ക്കാര്‍ ബോണ്ടുകള്‍ കത്തിച്ചുകളയാമെന്നുമൊക്കെയുള്ള അപ്രായോഗിക വാഗ്ദാനങ്ങള്‍ നല്‍കി ജനങ്ങളെ തെറ്റിദ്ധരിപ്പിക്കുകയാണെന്ന് സാമ്പത്തിക വിദഗ്ദ്ധര്‍ കുറ്റപ്പെടുത്തുന്നു.
യൂറോപ്യന്‍ വിപണിക്ക് മേലുള്ള കാര്‍മേഘങ്ങള്‍:
യൂറോയുടെ വരവോടെ ഫ്രാന്‍സിന് എളുപ്പത്തില്‍ കുറഞ്ഞ പലിശയ്ക്ക് പണം ലഭിച്ചിരുന്നെങ്കിലും, നിലവിലെ സാഹചര്യം ഫ്രാന്‍സിനെ മാത്രമല്ല, മൊത്തത്തിലുള്ള യൂറോപ്യന്‍ സമ്പദ്വ്യവസ്ഥയെയും ബാധിക്കുമെന്ന ആശങ്ക ശക്തമാണ്. കര്‍ശനമായ സാമ്പത്തിക തിരുത്തലുകള്‍ വരുത്തിയില്ലെങ്കില്‍ രാജ്യം വലിയൊരു സാമ്പത്തിക തകര്‍ച്ചയെ അഭിമുഖീകരിക്കേണ്ടി വരുമെന്നാണ് സാമ്പത്തിക വിശകലന വിദഗ്ദ്ധരുടെ വിലയിരുത്തല്‍.
Comments: